Andeer: Andeer: Im Spiegel der Zeit Im Spiegel der Zeit
Geschichte > Prosa und Gedichte > Gedichte

Gedichte

Canzun dad On-vigl

(Gieri Ragaz)

 

 

1.

Oz é Silvester

 

Cantagn dad On-vigl

 

Usit campester

 

Undreval a vigl!

 

 

2.

Oz e Silvester

 

Daman é Daniev,

 

Scut a balester

 

E saimper nos Dias.

 

 

3.

Oz e Silvester,

 

Tgi sa seas dastegn?

 

Tut igl terrester

 

Sto prender sia fegn.

 

 

4.

Oz e Silvester

 

Tschinchegias vaschegn

 

Forsa egn bluztger

 

Near vetgas a vegn?

 

 

5.

Graztga divina

 

Pertgiri teas tetg.

 

Us ad adigna ‚

 

E Cristus nos retg!

 

„Ein schönes Lied (Gedicht) zur Erinnerung an die Soldaten, die am 21. Januar 1785 von Andeer wegzogen.“
Vergl. hiezu nähere Ausführung im Abschnitt über die Auswanderung.)
 
Ina biala canzun da diesch cumpogns 
ch’ei i or da Andeer ils
21 de schaner de 1785
(da scolast Martin Basset)
1.
Vegni neutier,jau vi risdar
 
e diesch cumpogns vus vi numnar.
 
Ein tuts i en Hollanda.
 
Han fatg il „werben“ ad Andeer
 
e tratgs navent tut per a per
 
en pasch e leghermente!
 
 
2.
A quels ein sis stai da Andeer,
 
e dus ein da Farrera er
 
ed in da Vallendoe.
 
Tadleid sisur,tgei jau vi gir,
 
er l’auter vi jau repetir,
 
quel da Stussavia foe.
 
 
3.
Els van tiel regiment dil Schmid
 
tuts quels cumpogns, sco jau hai scret
 
a Mastrich uss per stare
 
sut „Hauptman“ Pitschen argaschei.
 
Ad er tut bein perina stei,
 
quel ubadientscha fare.
 
 
4.
L’emprem da quels cumpogns e stau
 
Martschun Christoffel vegn numnau,
 
Catrina ei in schlatta.
 
Cuntut shre ein nus tuts rugar
 
ca Deus il vilgi turnantar
 
puspei en patria sia!
 
 
5.
Siu camarad buc schar davos,
 
segund numnaus Murezzi Joos,
 
ei iu cun leghermente.
 
Peregiri Deus in a scadin.
 
Cun quella spronza nus vegnin
 
d’ils ver entere cuort tempse!
 
 
6.
Il tierz vi buca or laschar,
 
Martin Basset vi munzanar,
 
ein num e schlatta sia.
 
En num da Deus dei el marschar,
 
en num da Deus puspe turnar
 
en cas’ e patria sia!
 
 
7.
Il quart vus vi jau era gir,
 
e cheu cun „flis“ dar da capir.
 
Clamau vegn Christ Grischotte!
 
Niessegner vegli quel salvar,
 
ed era nus buc schar curdar
 
enten zanur e „spotte“.
 
 
8.
Battist Grischotte ei siu frar,
 
naguta dau ha quel da far
 
dad ir ent il Hollande.
 
Che Deus il vegli cumpognar,
 
en vitg puspei Quel turnantar
 
tier nus el „Vaterlande“.
 
 
9.
Digl sis gitg jau Gieri Duno.
 
Quel ha naguta sadusto
 
dad ir or dad Anaeer.
 
Cloetta ei la schlatta d’el.
 
Cumpogni Deus segir er quel
 
puspei a casa er.
 
 
10.
Il Joos Rostetter er quel fo,
 
bein enten cumpagnia sto,
 
cun ils ses cars amitgse.
 
Ed ein aschi cun legherment
 
i tier il „püntner regiment.“
 
en lander vegntgotg gise.
 
 
11.
E pigl’ otgavelvi numnar
 
ed en memoria vus clamar
 
Andrea il Rostetter.
 
La patria vul el bandunar.
 
El va a Mastrich per leu star
 
ensemel cun siu „Vetter.“
 
 
12.
Il nov jau vi citar cun plaids
 
e declarar :che vus tadleits.
 
L’ei Christa Buchli staue
 
Deus po schurmegi pigns e gronds,
 
che buca grevs e crivels mauns
 
crodaien sur lur tgause.
 
 
13.
Pil diesch vi jau aunc gir a vus:
 
aunc in ei ius davent da nus,
 
Hans Blaesi cun siu nume.
 
Deus benedeschi po er quel
 
ansemblamein cut tuts ear tschels
 
ti car Deus e patrune.
 
 
14.
 „Wachtmeister“ Tester, quel ei stau,
 
ch’ha quels cumpogns navent manau
 
enten survetsch da gueara.
 
El ha in cor sincer e bun,
 
en tuts risguards in galantum,
 
vengonz da nossa tiara.
 
 
15.
Treis gis avont viadi far,
 
ha’l quels fetg bein laschau reglar
 
giu tier il Tumasch Lehner.
 
Cu finadin fo bein cuntent,
 
manau ha’l quels zun frestgament
 
ad er cun anim legher.
 
 
16.
Lur mavan quels tuts bein dabot
 
sin lur dar curt „pietigot“
 
per la vischnanc’ anturn.
 
Mintgin ha lura „abschied“ priu,
 
e getg a bab a mumma siu:
 
En quater onns jau turn!
 
 
17.
Els han cun ina vusch clamau:
 
Amitgs, sche nus vus vein stridau,
 
sche po nus parduneias.
 
La pasch adina seig’ cun vus
 
viveias po sco frars serius
 
e tuts per nus ureias!
 
 
18.
Lein ussa vi Pignia trer,
 
d’amitgs, parents cun cor sinzer
 
dar „abschied“ e cumgiaue.
 
„Wachtmeister“ ei in um schi prus,
 
ha leu puspei zun generus
 
ses beneficis daue.
 
 
19.
Medemamein er a Ziraun
 
ratschiert vein. nus or da siu maun
 
cun dar engrazimmente.
 
Schet „pietigot“ da nus e vus.
 
Deus renoveschi vus e nus,
 
amitgs e cunaschense.
 
 
20.
E ves jau buca pli tei Schons,
 
sche viu hai toi biars gis ed onns!
 
Jau sto uss „fort“ marschare.
 
Ed er sehe jau toi Schons bandun,
 
sche veglies a mi , Segner bun,
 
a casa sauns manare.
 
 
21.
Tadlei questa canzun cun „flis“
 
tras mia plema mes a glisch
 
a vus vi presentare.
 
E leits vus ouella tue ludar
 
duveits vus quella buc sbitar,
 
ner sez la meglier fare.
 
 
22.
Ness si hai jau questa canzun.
 
Da scriver ent schlattein’ e num
 
hai emblidau segir!
 
La plem’ ha buca liu rantar.
 
Il maun entschiet ha a tramblar.
 
Pilver deits crer a mi.
 
 
23.
Miu car amitg, she ti vol crer,
 
tschi vi jau prest far a saver
 
cur quei ei davantaue.
 
Sche dumbra milli e siat tschient,
 
leutier otgonta ed aunc tschintg.
 
Igl onn ei buc fallaue.
 
 
24.
L’ei scretta digls amprems d’avril.
 
Sagir deits Crer a mi scadin,
 
suenter il nov tempse.
 
Deus po pertgir’ il general,
 
sco era mintgin en spezial,
 
atras ils onns e meinse.